Azərbaycan Respublikası Ali Məhkəməsi


Ali Məhkəmədə ölkəmizin ərazi bütövlüyü uğrunda həlak olmuş Vətən müharibəsi şəhidlərinin anma mərasimi keçirilmişdir

Bölmə: Xəbərlər 4.12.2020 12:00
  • Dekabrın 4-də  Ali Məhkəmədə  Azərbaycan Respublikasının ərazi bütövlüyü uğrunda canlarını qurban vermiş Vətən müharibəsi şəhidlərinin  anma mərasimi keçirilmiş və onların əziz xatirələri bir  dəqiqəlik sükutla yad edilmişdir.

    Mərasimdə Ali Məhkəmənin sədri Ramiz Rzayev çıxış edərək Azərbaycan Respublikasının Prezidenti, müzəffər Ali Baş Komandan cənab İlham Əliyevin rəhbərliyi,  rəşadətli Azərbaycan Ordusunun  şücaəti, Azərbaycan xalqının birliyi  nəticəsində 30 il işğal altında olan əzəli Azərbaycan torpaqlarının azad olunaraq ərazi bütövlüyümüzün bərpa olunduğunu  bildirmişdir.

    Ali Məhkəmənin sədri bütün şəhidlərimizə Allahdan rəhmət, yaralı qəhrəman zabit və əsgərlərimizə şəfa və ailələrinə səbr diləmişdir.

Baxılıb: 2468
Paylaş