Məqalə qəbulu

Azərbaycan Respublikasının Ali Məhkəməsi cari ildə dərc ediləcək jurnala – “Azərbaycan Respublikası Ali Məhkəməsinin Bülleteni”nə elmi-hüquqi məqalə qəbulu elan edir.

Nəşrdə hüququn müxtəlif sahələri üzrə praktiki və nəzəri məsələlər üzrə aparılan araşdırmalar və onların nəticələri, hüquq tətbiqetmə zamanı qarşıya çıxan problemlər və onların həlli yollarına dair tədqiqatların əks olunduğu məqalələrin dərc olunması nəzərdə tutulub.

Məqalələrin “Azərbaycan Respublikası Ali Məhkəməsinin Bülleteni”ndə dərc olunmasını arzulayan şəxslər müraciət edə bilərlər.

Məqaləyə dair tələblər:

Məqalələr hüququn müxtəlif sahələri üzrə təcrübi və nəzəri məsələləri, hüquq tətbiqetmə zamanı qarşıya çıxan problemləri və onların həlli yollarını əhatə etməklə, əvvəllər heç bir nəşrlərdə dərc edilməməli və onlara təqdim olunmamalı (istisna hallar redaksiya heyəti tərəfindən müzakirə olunur);

Məqalənin adı altında müəllifin adı, soyadı, fəaliyyət göstərdiyi və ya təhsil aldığı müəssisə və e-mail ünvanı göstərilməli;

Məqalələr Word Document fayl şəklində, Arial 14 şrifti ilə, 1,5 intervalla yazılmalı;

Məqalənin həcmi şəkil, cədvəl və ədəbiyyat siyahısı ilə birlikdə bir qayda olaraq 8 səhifədən, ədəbiyyat icmalları və mühazirələrin həcmi isə 12 səhifədən artıq olmamalı;

Ədəbiyyat siyahısı əlifba sırası ilə verilməli;

Mətnin içində istinadlar müəllifin soyadı, əsərin nəşr ili, səhifəsi ardıcıllığı ilə verilməli;

İstinadlar müəllifin adı yazılmaqla kitabın adı, çap olunduğu nəşriyyat, il və səhifə, o cümlədən internet mənbəyinə istinad edilərkən veb-səhifədəki materialın adı və yayımlandığı il (mötərizədə) qeyd olunmalı;

Qeyd edək ki, məqalə Ali Məhkəmə yanında Elmi-məsləhət şurasında da nəzərdən keçiriləcək, onun plagiat olub-olmaması yoxlanılacaq və plagiat aşkarlanarsa, qəbul edilməyəcəkdir.

Göndər