Azərbaycan Respublikasında inzibati məhkəmələrin yaradılmasının 10 illiyinə həsr olunmuş inzibati məhkəmə icraatının aktual problemlərinə dair məsələlərin növbəti müzakirəsi keçirilmişdir
02.07.2021, 17:19
02 iyul 2021-ci il tarixində Azərbaycan Respublikası Ali Məhkəməsi ilə Vəkillər Kollegiyası tərəfindən həyata keçirilən birgə əməkdaşlıq çərçivəsində Azərbaycan Respublikasında inzibati məhkəmələrin yaradılmasının 10 illiyinə həsr olunmuş inzibati məhkəmə icraatının aktual problemlərinə dair məsələlərin hakimlərin və vəkillərin iştirakı ilə videokonfrans formatında növbəti müzakirəsi keçirilmişdir.
Tədbirdə “İnzibati məhkəmə icraatında iddianın mümkünlüyü” mövzusu üzrə Ali Məhkəmənin İnzibati Kollegiyasının sədri Xəqani Məmmədov və Vəkillər Kollegiyasının üzvü Muxtar Mustafayev təqdimatla çıxış etmişlər. Daha sonra inzibati icraatda məhkəmə aidiyyəti, mümkünlük şərtləri, müxtəlif iddia növləri üzrə iddianın xüsusi mümkünlük şərtləri, dəyişdirilmiş iddiaların mümkünlüyü məsələsi ilə bağlı ətraflı fikir mübadiləsi və müzakirələr aparılmışdır.
Göstərilən platformalarda paylaş:
Digər
Ali Məhkəmədə İraq Respublikasının nümayəndə heyəti ilə görüş keçirilib
Azərbaycan Respublikası Ali Məhkəməsi Plenumunun iclası keçirilib
BDU-nun tələbələri “Açıq qapı” günü münasibətilə Ali Məhkəmədə olublar
