Ali Məhkəmədə Tacikistan Respublikasının nümayəndə heyəti ilə görüş keçirilib

2023-cü il avqustun 22-də Tacikistan Respublikası Ali Məhkəməsi sədrinin 1-ci müavini Amirxon İşoqinin rəhbərlik etdiyi nümayəndə heyəti Azərbaycan Respublikasının Ali Məhkəməsində olub. 

Ali Məhkəmənin sədr müavini Çingiz Əsgərov qonaqları salamlamaqdan məmnunluğunu ifadə edib. Görüşdə qonaqlara Azərbaycan Respublikasının Prezidenti cənab İlham Əliyevin rəhbərliyi ilə ölkəmizdə aparılan məhkəmə-hüquq islahatları, Ali Məhkəmənin fəaliyyəti, vahid məhkəmə təcrübəsinin formalaşdırılması istiqamətində görülən işlər barədə məlumat verilib. Bildirilib ki, Azərbaycan Respublikasının Ali Məhkəməsi ədalət mühakiməsinin səmərəliliyinin artırılmasında mühüm rol oynayır, rəqəmsallaşma və süni intellektin məhkəmə sisteminə inteqrasiyası istiqamətində fəal işlər aparır. 

Nümayəndə heyətinin rəhbəri Amirxon İşoqi isə öz növbəsində yüksək qonaqpərvərliyə görə təşəkkürünü bildirib və Azərbaycanda məhkəmə-hüquq sahəsində həyata keçirilən islahatları yüksək qiymətləndirib. Qeyd edilib ki, Azərbaycan və Tacikistan arasında digər istiqamətlərdə olduğu kimi, məhkəmə-hüquq sahəsində də əməkdaşlıq uğurla inkişaf edir. 

Görüşdə, həmçinin qarşılıqlı maraq doğuran məsələlər və gələcək əməkdaşlıq perspektivləri müzakirə edilib.

Sonra qonaqlar Ali Məhkəmənin inzibati binası ilə tanış olublar.