Türkiyə Böyük Millət Məclisinin sədri Mehmet Ali Şahinin başçılıq etdiyi nümayəndə heyəti Ali Məhkəmənin yeni inzibati binasında olmuşdur
29.09.2009, 12:35
Türkdilli ölkələrin Parlament Assambleyasının sammitində iştirak etmək üçün Azərbaycana rəsmi səfərə gəlmiş Türkiyə (TBMM) Böyük Millət Məclisinin sədri Mehmet Ali Şahinin başçılıq etdiyi nümayəndə heyəti sentyabrın 29-da Azərbaycan Respublikası Ali Məhkəməsinin yeni inzibati binasında olmuşdur.
Türkiyəli qonaqları səmimiyyətlə salamlayan Ali Məhkəmənin sədri Ramiz Rzayev bu səfərin hər iki ölkənin qarşılıqlı əməkdaşlığının inkişafına xidmət edəcəyini vurğulamışdır.
Türkiyə Böyük Millət Məclisinin sədri Mehmet Ali Şahinin başçılıq etdiyi nümayəndə heyəti Ali Məhkəmənin yüksək statusuna uyğun yeni inzibati binasını gəzmiş, hakimlərin iş şəraiti ilə tanış olmuşdur. Binanın yüksək memarlıq üslubunda inşa olunduğunu bildirən Böyük Millət Məclisinin sədri Mehmet Ali Şahin muzeyin fəxri qonaqlar kitabına öz ürək sözlərini yazmışdır. Qonaq iki ölkə arasında qarşılıqlı əməkdaşlığın böyük əhəmiyyət daşıdığını bildirmişdir. Qeyd etmişdir ki, bu əməkdaşlıq bundan sonra da davam etdiriləcək.
Ali Məhkəmənin sədri Azərbaycanın məhkəmə orqanlarına xüsusi maraq və diqqət göstərdiyinə görə Türkiyənin Böyük Millət Məclisinin sədrinə və nümayəndə heyətinin üzvlərinə gələcək fəaliyyətlərində uğurlar arzulamışdır.
Göstərilən platformalarda paylaş:
Digər
20.11.2024, 17:04
Yeni təyin olunmuş hakimlər Ali Məhkəmədə and içiblər
01.11.2024, 12:41
Ali Məhkəmənin hakimi Əziz Seyidov təqaüdə yola salınıb
28.10.2024, 10:17
Ali Məhkəmə yanında Elmi-məsləhət şurasının növbəti iclası keçirilib
